1. ជីវប្រវត្តិ
- លោក ហ៊ុន សែន កើតនៅថ្ងៃទី ៥ ខែ សីហា ឆ្នាំ ១៩៥២ (ផ្លូវការ
ថ្ងៃទី៤ ខែមេសា ឆ្នាំ១៩៥១)
- ទីកន្លែងកំណើតនៅ ឃុំពាមកោះស្នា ស្រុកស្ទឹងត្រង់
ខេត្តកំពង់ចាម ប្រទេសកម្ពុជា។
- នៅឆ្នាំ១៩៧៦ លោក ហ៊ុន សែន បានរៀបអាពាហ៍ពិពាហ៍ជាមួយ លោកស្រី
ប៊ុន រ៉ានី មានកូនប្រុសបីនាក់ និងកូនស្រីបីនាក់ ក្នុងនោះ
កូនស្រីម្នាក់ជាកូនចិញ្ចឹម (ហ៊ុន ម៉ាណែត, ហ៊ុន
ម៉ាណា, ហ៊ុន ម៉ានីត, ហ៊ុន
ម៉ានី, ហ៊ុន ម៉ាលី, និង ហ៊ុន
ម៉ាលីស)។
2. ការសិក្សា
- ហ៊ុន សែន បញ្ចប់បឋមសិក្សា នៅស្រុកកំណើតនៅឆ្នាំ១៩៦៥
ហើយមករស់នៅរាជធានីភ្នំពេញដោយស្នាក់នៅវត្តនាគវ័ន
និងសិក្សានៅវិទ្យាល័យឥន្ទ្រទេវី ថ្នាក់អនុវិទ្យាល័យ។
- នៅឆ្នាំ១៩៩១ ទទួលបានបរិញ្ញាបត្រផ្នែកនយោបាយពី Cambodian
Tertiary Education និងបណ្ឌិតវិទ្យាសាស្ត្រនយោបាយពី National
Political Academy នៅទីក្រុងហាណូយ ប្រទេសវៀតណាម។
3. មុនឆ្នាំ១៩៧៩
- នៅឆ្នាំ១៩៧០ ក្នុងអាយុ ១៨ឆ្នាំ លោក ហ៊ុន សែន
បានចូលរួមក្នុងចលនាតស៊ូ ប្រឆាំងនឹងពួកចក្រពត្តិនិយម ដើម្បីរំដោះកម្ពុជា
ពីភ្លើងសង្គ្រាម ក្រោមការអំពាវនាវរបស់ព្រះមហាក្សត្រ ព្រះបាទ នរោត្តមសីហនុ។
- មុនថ្ងៃទទួលជ័យជំនះ ថ្ងៃទី១៧ មេសា ឆ្នាំ១៩៧៥ គឺថ្ងៃទី១៦
ខែមេសា លោក ហ៊ុន សែន បានរបួសភ្នែកខាងឆ្វេង។
- នៅឆ្នាំ១៩៧៧ លោក ហ៊ុន សែន បានចាកចេញពីគ្រួសារ និងដឹកនាចលនារំដោះប្រទេស
- នៅឆ្នាំ១៩៧៨ លោក ហ៊ុន សែន បានក្លាយជាស្ថាបនិកមួយរូប
នៃចលនាសង្គ្រោះជាតិកម្ពុជា ហៅថា រណសិរ្សសាមគ្គីសង្គ្រោះជាតិកម្ពុជា
ក្រោមកិច្ចសហការជាមួយចលនាជាច្រើន
និងការគាំទ្រដោយកម្លាំងកងទ័ពស្ម័គ្រចិត្តវៀតណាម។ ចលនានេះ
បានជួយរំដោះប្រទេស និងប្រជាជនកម្ពុជា
ពីរបបប្រល័យពូជសាសន៍ប្រជាធិបតេយ្យកម្ពុជា នៅថ្ងៃទី៧ ខែមករា ឆ្នាំ១៩៧៩។
4. ក្រោយឆ្នាំ១៩៧៩
- នៅឆ្នាំ១៩៧៩ លោក ហ៊ុន សែន
កាន់តំណែងជារដ្ឋមន្ត្រីការបរទេស។
- នៅឆ្នាំ១៩៨១ ដល់ឆ្នាំ១៩៨៥ លោក ហ៊ុន សែន
ជាឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស។
- ពីឆ្នាំ១៩៨១ ដល់ឆ្នាំ១៩៨៥ និងពីឆ្នាំ១៩៨៥ ដល់ឆ្នាំ១៩៩១
លោក ហ៊ុន សែន ជានាយករដ្ឋមន្ត្រី និងរដ្ឋមន្ត្រីការបរទេស។
- នៅថ្ងៃទី២៣ ខែតុលា ឆ្នាំ១៩៩១ លោក ហ៊ុន សែន
គឺជាតំណាងហត្ថលេខីដ៏សំខាន់មួយរូបក្នុងដំណើរការ
កិច្ចព្រមព្រៀងសន្តិភាពទីក្រុងប៉ារីស២៣ តុលា ឆ្នាំ១៩៩១
ជាលទ្ធផលនៃកិច្ចព្រមព្រៀងនេះ គឺការបោះឆ្នោតសកល និងដោយសេរីមួយ
ដែលបានធ្វើឡើងជាលើកដំបូងនៅកម្ពុជាក្នុងឆ្នាំ១៩៩៣។
- ពីឆ្នាំ១៩៩៣-១៩៩៨ លោក ហ៊ុន សែន
បានកាន់តួនាទីជាសហនាយករដ្ឋមន្ត្រី (នាយករដ្ឋមន្ត្រីទី២)
ក្នុងរដ្ឋាភិបាលចម្រុះនីតិកាលទី១ នៃរដ្ឋសភាជាតិ។
- ការបោះឆ្នោតជាសកលនៅឆ្នាំ១៩៩៨ លោក ហ៊ុន សែន បានដឹកនាំ
គណបក្សប្រជាជនកម្ពុជា ក្នុងនាមលោក ជាអនុប្រធាន រហូតទទួលបានជោគជ័យ
ហើយបានក្លាយជានាយករដ្ឋមន្ត្រី នៃព្រះរាជាណាចក្រកម្ពុជា
ដឹកនាំរដ្ឋាភិបាលចម្រុះ នីតិកាលទី២ នៃរដ្ឋសភាជាតិ ដែលមានគណបក្សធំៗពីរគឺ
គណបក្សប្រជាជនកម្ពុជា និងគណបក្សហ្វ៊ុនស៊ីនប៉ិច។ ប្រទេសកម្ពុជាបានក្លាយជា
សមាជិកទី១០នៃប្រជាជាតិអាស៊ីអាគ្នេយ៍។
- នៅឆ្នាំ២០០៣ លោក ហ៊ុន សែន
ក្លាយជាបេក្ខភាពនាយករដ្ឋមន្ត្រីនៃគណបក្សប្រជាជនកម្ពុជា
និងឈ្នះឆ្នោតនៅខែកក្កដា។
- ក្រោយពីមានការជាប់គាំងខាងនយោបាយអស់រយៈពេលជាច្រើនខែ
លោក ហ៊ុន សែន បានទទួលជោគជ័យក្នុងការ បង្កើតរដ្ឋា
ភិបាលចម្រុះជាមួយនឹងគណបក្សហ្វ៊ុនស៊ីនប៉ិច នៅថ្ងៃទី១៥ ខែកក្កដា ឆ្នាំ២០០៤
ហើយក្លាយជានាយករដ្ឋមន្ត្រី ដឹកនាំរដ្ឋាភិបាល នៃព្រះរាជាណាចក្រកម្ពុជា។
- នៅថ្ងៃទី២៥ ខែកញ្ញា ឆ្នាំ២០០៨
ក្រោយពីទទួលបានជ័យជំនះក្នុងការបោះឆ្នោតជាសកល ២៧កក្កដា ឆ្នាំ២០០៨
ដែលគណបក្សប្រជាជនកម្ពុជាឈ្នះបាន៩០អាសនៈក្នុង១២៣អាសនៈក្នុងសភាជាតិ លោក
ហ៊ុន សែន
បានឡើងកាន់ដំណែងជានាយករដ្ឋមន្ត្រីនៃព្រះរាជាណាចក្រកម្ពុជាក្នុងនីតិកាលទី៤
នៃរដ្ឋសភាជាតិសំរាប់ដំណាក់កាលប្រាំឆ្នាំ (២០០៨-២០១៣)។
5. បច្ចុប្បន្ន
- កាលពីថ្ងៃទី២៤ ខែកញ្ញា ឆ្នាំ២០១៣
ក្នុងសម័យប្រជុំសភាលើកដំបូង ព្រះមហាក្សត្រ ព្រះបាទ នរោត្តម សីហមុនី បានតែងតែ
លោក ហ៊ុន សែន ជានាយករដ្ឋមន្ត្រី ដឹកនាំរដ្ឋាភិបាលជាថ្មី។
- លោកនាយករដ្ឋមន្ត្រី ហ៊ុន សែន ក៏មានតួនាទីជានាយឧត្តមសេនីយ៍
ផ្កាយ៥ផុតលេខ ហ៊ុន សែន
(ដកស្រង់ចេញពីគេហទំព័រសំលេងប្រជាធិបតេយ្យ VOD ចេញផ្សាយ ថ្ងៃពុធ ទី1 ខែមករា ឆ្នាំ2014)
(ដកស្រង់ចេញពីគេហទំព័រសំលេងប្រជាធិបតេយ្យ VOD ចេញផ្សាយ ថ្ងៃពុធ ទី1 ខែមករា ឆ្នាំ2014)
No comments:
Post a Comment